KSO Mumbai Constitution

CONSTITUTION OF THE KUKI STUDENT ORGANISATION, MUMBAI

 PART-I

 Thumakai: Mumbai le avella um kuki chate itam cheh cheh utoh kilhonin apoimo dung juija dinkhom nathei, pankhom nathei ding platform inei lou jeh uvin khangdong ho panlah najallin Student Organisation ahung kingaiton Senior ho deisah jallin anoija bonghin iki vaipoh nadiu ahung kisem e.

 PREAMBLE

 Kuki Student Organisation (Mumbai) in lungthim ngaito na thuhtah le gilpen a ki pan in,

Mumbai a um Kuki chate hon, lungkhat le thakhat a, kipani le vangset nikho ading,  nampi machal jing nading, ichon dan uleh i custom u venbit jing nading, ihet nau le ithep nau chuleh ibol thei na cheh u, khonung a simlai ho leh nampi  machal jing  thei nadinga pan lakhom cheh din thulhuh na kasem uve,

 mitin in za tah leh ngailu tah a mang chieh dingleh jui cheh din hiche  DAN (Constitution) hi kipum khat tah a pang khom cheh din kanam dettauve.     

 PART-II

 ARTICLE -I

  1. KILOIKHOM NA MIN DING :Kiloikhom na min dingin  KUKI STUDENT ORGANISATION, MUMBAI chuleh achom lama KSO (M) ti ding ahi.
  2. DAN MIN DING: KSO MUMBAI CONSTITUTION
  3. MOTTO:LEARN,UNITE & SERVE (KSO Gen HQ )
  4. KSO (M)  IN AHOP DING HO : Mumbai le akimvel a um ajao nomchan.
  5. BIBLE CHANG DING :Psalm 90:17 - Kachung uvah ka pakai ka Pahthen u lung lhaihen

 

ARTICLE -II KSO(M) TUP LE DOI  :

  1. Mumbai le avella um Kuki chate thakhat le lung khat a lonkhom theina ding.
  2. Genthei hahsat nale kipa nikho ho a pan lah khom nading.
  3. Mimal le jat le nam khantou theina dia lunggel le ngaidan seikhom theina.
  4. Themjilna lama kitil khou a, umchan khanchan a kimapui a chule kitosot to thei nading.
  5. Nampi khantou thei nadinga lung le tha jeakhom nathei.
  6. Icustom u le ichondan u venbit a dopsang jing thai na ding.

 

ARTICLE-III MEMBERSHIP:

Member hina thei :

  1. Koi hile Mumbai le akim vella um Kuki chate jousen KSO(M) minna memership fee peh a member hi jeng thei ahi.
  2. Koi hile membership fee pejouse chu KSO(M) dan in ahoup ding ahin, dan kisem dung jui in Kuki chate khantou nadingin pan lanang kate atina ahi.
  3. Mumbai pam langa hon jong fee peh a Non-Residential member hithei ahi.
  4. Membership fee hi kum khat a khatvei peh ding ahi.
  5. Member koi hile mumbai dalha dinghon apot masanga EB ho ahetsah ding ahi.

 

ARTICLE –IV EXECUTIVE BODY/OFFICE BEARERS:

  1. President
  2. General Secretary
  3. Finance Secretary cum Treasurer
  4. Secretary - Information and Publicity
  5. Information Assistants - 2/3 
  6. Secy Moral and Religion

 

ARTICLE -V

 1) EXECUTIVE BODY KILHEN DING DAN         

  1. KSO(M) member hi akilhom jep nah lai jeh in, member 100 alhin to kah a hi,
  2. EB ho toh Advisors ho deisah dung juija kilhen phot ding a phatsah ahi.
  3. Presiding Officer: Presiding Officer hi member 100 ihung lhin uva voting system inei phat uleh lhen a, aman election avet sui ding ahi

 

2) TERM OF OFFICE

Term(mopoh na) hi kum  ni hiding ahi amavang ihamtia alemchang aum tahlou leh EB in Advisors hotoh kihou toh a lha 3(thum) chan aphat asuhsau be thei ahi.

 

 3) ADVISORS

 Advisor hohin EB ho ngaichat dung jui a kithopi jing le anatoh u avet tup pih jing diu,amaho toh pang  khom jinga advice abol jing diu ahi.

 

ARTICLE –VI EXECUTIVE BODY

EB hi organisation thulhuh semna sang pen le thunei pen hiding ahi.Akul le apoimo dung jui a mopohna min (portfolio)akoibe alahdoh thei u ahi.Atoh diu le athunei nau anoija bong hi hiding ahi

1. PRESIDENT

  1. Organisation lamkai len(lubuh )pen ahi;
  2. Meeting jousea chairman hina alah ding;
  3. Na kitong le thil kibol jouse ama hetpieh na hiding;
  4. KSO(M) apat a hetsah nale na kitong ho ama mopoh na hiding ahi;
  5. EB ho natoh le thilbol ho avet tup jinga natoh ahop pih ding;
  6. Organisation dang ho toh kihou nale kithulhut na ho a ama mopohna hiding;
  7. EB ho chunga thuneina (Nodoh nale lahlut na ) dan dung jui a aman abolthei;
  8. Akul le apoimo dung jui a meeting akou thei.

2. General Secretary

  1. Organisation Register avet tup jing ding
  2. Kihou najousea President thupieh dung juija meeting thulhuh na phatecha ajihlut a akoiding;
  3. Fin.Secy. toh kiheto jinga sum leh pai dinmun asuh tupa Annual audit of book and Account asuhtup a akithopi ding;
  4. Nisih thusoh President toh kithu jahto jinga avet sui ding amahi Executive officer hiding ahi.

3. Finance Secretary cum Treasurer

  1. Organisation sum akonna le achiedohna vetup jing ding;
  2. Receipt,Cash book ,Audit report etc avet kol jing ding;
  3. Gen.secy hetpih na dung jui a sum chie na ding lhakhat masanga avet tup ding;
  4. Term kichai phatleh sum chiedoh nale akimu najouse general meeting a aphondoh ding;
  5. Ama het pih louva member koimachan sum amandoh thei louding;
  6. Receipt book phatecha amanding.

 

4. Information and Publicity Secy

  1. Organisation a information jouse alah khom jing ding;
  2. Information ahung lut le kipedoh ho jouse avet tup jing ding;
  3. Mipi le midang Organisation ho toh kihoumat na ama akon mopoh na hiding;
  4. Organisation thu ho le thah ho fresher’s meet le general meeting ho a aphon doh ji ding;
  5. Fresher’s ho bio-data alah khom jing ding.

 

5. Secretary, Moral and Religion

  1. Hou lam le Social lam a kikhop naho vetup ding;
  2. Kikhop na ho a lamkai le ave tup ding;
  3. I Custom le Culture u avet tup a akhantou nadinga pan alah jing ding.

 

ARTICLE -VII SUM CHUNGCHANG    

      Anoi ja ho hi organisation sum mu na ding ho ahi

  1. Member  fee hung kipe ho
  2. Donation le Contribution hung kibol ho
  3. Fund Drive jong akul le apoimo dung jui a bolthei
  4. Adang dang toh.

 

ARTICLE -VIII

AUDIT CHUNGCHANG

  1. Auditor ding a EB hon term kaht adinga mi 2 alhandoh ding.
  2. Kum sih le audit bol jing ding.
  3. Organisation sum chie dan akhuol tup a adih lou aum leh asuhdih ding.
  4. Organisation sum chie dan le ahung lut ho vettup dan ahil (advice) thei ding.

 

PART-III

   ARTICLE –I QUORUM

 

General Body Meeting: Hiche meeting ahi apang dinga lom jouse pang teiding requisite quorum um louding ahi.

Executive Meeting: EB kihou na  a 2/3 member jao na meeting thulhuh semding.

Emergency Meeting: EM hi 1/3 member jaona hitei ding ahi

 

 ARTICLE –II KILOLNA SIEMPHAT DING LEH KAH DING DAN

 Ipi meeting hijongleh kilonan kineisa tapou chu siemphat,kahlhal chuleh suh lamdang ding apoimo tah leh hechi meeting/ EB meeting chun avella meeting atou khom phatleh 2/3rd majority in aphasah uleh suh lamdang thei hintae.

 ARTICLE –III MEETING NOTICE :

Emergency Meeting tailou adang ni 15 (Som le nga) masanga meeting notice hopdoh teiding chuleh Mergency Meting kiti tapou le Special General Boby Meeting vang athu khoh dung jui a nikho tep umlouva ki hettona khat dung jui a meeting neithei hinte

ARTICLE –IV DAN KHEL DING DAN / AMENDMENTS

 

 Dan kisem sa hohi aphat dung jui le angaicha dung jui a EB hon 2/3 member kinop to na a khel thei ding ahi.

#############################################################

Constitution Committee:

  1. Dr. H.Lhungdim, Reader IIPS (Advisor)
  2. Jangminlien Lhungdim MADS,TISS,(President)
  3. Vanlalmuon Haokip, B.tech (Gen.Secy)
  4. Janggoulien Haokip, LLB ,Rezvi, (Finance Secy.)
  5. Khaijamang Mate, Research Scholar IGIDR

 

Constitution Review Committee

  1. Pa Joshua Singson, Tech. Director
  2. Pa T.Lhungdim, AGM, RBI.
  3. Pa Lunsei